سلام عليكم:
انا فى حاجة بحب اقولها لنفسى كتير لما اكون مدايقة من الدنيا او من مواقف حصلتلى ونفسى يكون تفكيرى اللى بفر فيه عن الدنيا صح
انا بتخيل ان الدنيا دى جنينة كبيييييييييييرة جدا ملاينة شجر وقصور وكل قصر له جنينه خاصة بيه فيها شجر فى كل قصر 10 شجرات بس كل قصر الشجر اللى فيه مختلف عن القصر التانى
وبفترض ان القصر دا طاعة ربنا ورضاه وان الشجر اللى جوة كل قصر دا نعم ربنا علينا كل واحد ربنا اداله قصر كبير يحميه ويسكن فيه وهيكون فيه مبسوط جدا واداله النعم اللى هتخليه يعيش مبسوط جوه قصره ,,,
بس للاسف احنا دايما بنخرج برا القصر بتاعنا وندور فى الشجر اللى برا علشان نلاقى حاجات فى اعتقادنا اننا هنكون مبسوطين اكتر لو معانا
ولما نبعد عن القصر بتاعنا بندخل اى قصر علشان نتحامى فيه ونلاقى فى حاجات مش فى قصرنا جايز صاحب القصر دا يكون انسان كويس وتقى ويكرمنا بس مش هيخلينا اصحاب القصر هنبقى ضيوف ووقتها بنحس ان الزمن فى حاجة غلط وان كل الناس مش كويسة وان مفيش حاجة حلوة فى الدنيا دى بس جايز لاننا مرضناش باللى موجود عندنا واننا منعرفش ان البشر بيكمل بعض وان طاعة ربنا ورضاه هو السعادة الحقيقية وان الرضى باللى ربنا بيدهولنا افضل حاجة
الحمد لله ربنا ادالى اللى يسعدنى وادالى الايمان والطاعة وعارفة ان اللى عندى هيخلينى اسعد انسانة وجايز بقف تحت شجرة غلط وجايز بتوه بس عارفة ان سعادتى فى قصرى فى امانى ورضايا بنعم ربنا عليا
ليست هناك تعليقات:
إرسال تعليق