ذاك الخنزير موران

قصة للكاتب جي دي موباسان
بيقص  فيها عن فلاح فقير اسمه موران انتقل ل قرية جديدة
واعجب بفتاة بنت ف طبع قبلة مفاجأة علي خدها صاحت الفتاة وصفعته واتي اهل القرية وضربوه وطردوه مرددين ذاك الخنزير
يكمل الكاتب انه تعرف إلي هذه الفتاه وطلب اقامة علاقة غير شرعية معه ورحبت جدا دون تردد
واكمل ان القرية ملئة ب هذا
ورغم هذا اهل القرية يعتبرون قبلة موران الاسوأ وموران رمز للخسه والندالة  في القرية
لقد كان اهل القرية يتحاكوا عن قبلته و في نهاية الجلسة بتبادلون كلمات الثناء والشكر انهم لم يكونوا مثله ورغم انهم يفعلون الاسوأ
الجميع هذا الموران بل وقد يكون اسواء لكنهم لا ينظرون للمرآه بل والبعض يتباهي بافعاله المورانية وبعد ان ينهي كلامه يردد تبا لذاك الخنزير موران

متخابر مع حماس

اعلامنا الممنهج لغى خطورة الخط الاحمر (حدودنا مع اسرائيل)
وخلى كل الخطورة تتمركز فى النقطة الخضرة (حدودنا مع قطاع غزة) اللى مساحته ككل 376كم وطول حدودها مع مصر 40 كم يعنى اقل من ساعة بالعربية دى اقل من مساحة مدينة واحدة جوة محافظة من محافظات مصر
القطاع دا بياخد\ الغاز والكهربا والميا والاكل مننا
المهم
القوات المسلحة قادرة تحمي حدود مصر على طول حدود سينا مع اسرائيل لكن مش قادرة تحميها من غزة!!!!
على طول الحدود مفيش اسلحة بتتهرب محدش بيدخل سينا مسمعناش مرة بالغلط حد تعدى الحدود دى
زمان قوى لما حد اسرائيلي تعدى الحدود دي والجندي سليمان خاطر ضرب النار عليه كان العقوبةاعدام سليمان خاطر فى عهد مبارك
لو ركزت كويس هتلاحظ ان اسرائيل محاصرة كل المدن الفلسطينية اللى هى متلونة اخضر
ماعدا غزة ليها منفذ واحد مع مصر ودا بيصعب السيطرة عليها (فى حالة ان مصر تساند قطاع غزة)
 وجود فصيل مؤيد للمقاومة الفلسطينية على الحدود دى بيسبب قلق لاسرائيل مش قلق لمصر
وهى نفس الفكرة اللى مقلقة اسرائيل ان ثورات الربيع العربيع بدات تحاصر تواجدها فى المنطقة

هكذا تفنن المصرى فى صنع الالهة البشرية

             هكذا تفنن المصرى في صنع الالهه البشرية

فمن عبدة فرعون الى عبدة السياسين 

عرفت الالهه عند المصرى القديم وكان الملك هو خادم الاله ثم قدسوا الحاكم او الملك فبدلا من انه كان وسيطا بين الشعب والاله اصبح هو الاله, له ما اراد ووقتما اراد ومن يعارض رئيه فقد كفر بالاله وعقابه الموت
واستغل فراعنه مصر هذه الصفة المقدسة فمنهم من صنع حضارة نقشها التاريخ ومنهم من اباد شعبه , وتحت امره كليهما كان المصرى مؤمن بان الفرعون الحاكم هو روح الاله او روح حكمة الاله ثم اصبح هو الاله وهو الحكمة حتى لو اخطأء فله حكم الاله .

وكلما توالت على مصر فراعنه ظهرت جدارة البعض مما رسخ فكرة الفرعون لا يخطئ.

ولكن مع ظهور الديانات السماوية بدأت تتلاشى عبودية البشر والاتجاه الى عبوده الله الواحد الاحد الذى خلق البشر فهو الحكيم الذى لاتعلو علي حكمته حكمة مخلوق 

ووهب الله مصر انبياء يحكموها فظن المصريون من بعدهم ان كل من يحكم مصر هو نبي منزه عن الاخطاءيأتىى برسالات من الله عز وجل فاعطوهم حق الولاء والطاعة.

وتوالى الحكام على مصر وازداد طغيانهم حتى سخط عليهم عامة الشعب مقدسين الوجوه المصرية الثائرة , فانتقلت مراسم الطاعة وطقوس الولاء من الحاكم الغير مصرى المستبد الى الثائر او السياسى المصرى . 

حتى ثورة 1952 ترسخت هذه الطقوس تحت مراسم الثورة المقدسة الى السايدة المصرية فاصبح حكام الثوة هم من لهم هذا الحق فهم من خلصوهم من ظلم الحاكم الطاغى والمستعمر المستبد . 

ومع اختلاف التغيرات الساسية جدد المصرى رمزه المقدس فتمرد البعض عليه ليجددوا دمائهم ,
لكن هذه المرة اختلف المصريون فمنهم من لايزال يتمسك بالماضى رغم طغيانه ومنهم من يريد تجربه لدماء جديده وبعضهم متمسكين برموزمقدسه تحت مسمى سياسين ف بدلا من ان كان يرى المصرى ان فرعون هو صاحب الحكمة رأى المصرى الحديث ان رموز السياسة هى رموز الحكمة فاصبح امرهم مجاب ولهم حقوق الطاعة والولاء والموت فى سبيلهم .

الغريب ليس فى تقديس عقليه البشر فهكذا كانت طبيعة المصرى العربى ليس لانه موحد الرأى بل لان مفهوم الحكمة واحد لديهم وان الهدف كان واضحا لدى الجميع  ولكن  اختلاف هذا التقديس بين المصريين لست ادرى هل هو طريقا جديدا للديموقراطية التى لم تثمر بشئ طوال الثالث سنوات السابقة ام وقد تثمر فى المستقبل و(ليس بعبده البشر هؤلاء) ام فقط طريق لتشتيت الهدف .

التقويم الهجرى

ولها 7 فوائد

ونص الكوباية المليان دا نسيبه ليه لما الكهربا بتقطع فى 17 فايدة

1. بتفكرك بظلمات القبر فتتقرب لربنا.
2. بتفكرك بحر جهنم فبتتقرب من ربنا.
3. بتحس باخوك الفقير فبتعطف عليه.
4. تحس بالموظف الغلبان اللى قاعد فى عز الحر وتعبان.
5. تحس بالجنود والظباط اللى قاعدين فى الحر.
6. بتبعدنا عن دوشة الاجهزة فبتحس بجمال الطبيعة والهدوء.
7. بتفتح الشباك فالهوا النقى الطبيعى بيدخل اوضتك .
8. كان مطلب من اهم مطالب الثورة المساواه والعدالة الاجتماعية طبعا مفيش مساواه اكتر من ان اللى عايش فى تكيف يحس بالحر اللى الفقير عايش فيه .
9. بتعيشنا جو اسرى رومانسى على اضواء الشموع - أو تنزل الشارع تتمشى على ضوء القمر.
10. بتشجع المنتاجات القطنية.
11. بتوفر فى فاتورة الكهربا.
12. الحكومة تقدر تنور اعمدة الشارع فى النهار براحتها.
13. هتوفر دخل للناس اللى بتبيع مولدات الكهربا.
14. هتشجع المصرين يطلعوا افكارهم وانبهارتهم لحل المشكله دى.
15. لو بتشتغل فى مصلحة حكومية ممكن تقول للناس معلش النور قاطع عدو علينا بكرة.
16. اللى بيزاكر هيلاقى حجة ميزكرش علشانها.
17. اهم حاجة هتلاقى البنات نازلة من غير ما تحط ميكب  تكتشف الطبيعة الفاتنة .
18. والاهم طبعا الشباب مش هيعرفوا بردوا يحطوا الميكب بتاعهم.

قطع النور دا بيرسخ معانى انسانية سامية لا يمكن اتقانها بسهولة ولكنها معانى تتوغل اساسيات الحياة النهضوية المركبه 

كاميليا جبران . في سكوت الليل

كاميليا جبران 

كلمات سيد حجاب 

الحان سعيد مراد

صوت في سكون الليل يناديني

خلى دموعي تفر من عيني

على فين يا موج الشوق موديني 

الحلم والمجهول وليل الويل 

وقمر بصوت مرمر بيندهلي

بضم قلبي واطير مع المواويل 

واتمشى فوق الموج على مهلي

بحلم يا دنيا بلاش تصحيني

على فين ياموج الشوق موديني

والريح بحس جريح بيوعدني

حياخدني من حزني ويبعدني

ويجبلي حب حقيقي 

يساعدني في رحلة الأيام ويسعدني

وحنانه يروي شوقي وحنيني 

على فين يا موج الشوق موديني 

بحلم بدنيا يحبها ناسها

وتحب ناسها و تشيلها فوق راسها 

والحب ساسها وداب في انفاسها

والعيد ليلاني بدق اجراسها

كلمات اغنيه بحب البحر كاميليا جبران كلمات سيد حجاب

بحب البحر- كاميليا جبران

كلمات سيد حجاب

بحب البحر لمّا يزوم..

و أعشق صرخته في الريح !

بحس في موجه شوق مكتوم..

لناس حُرّة و حياة بصحيح !

..

و أحبّه لمّا يتهادي

و أدوب لمّا يوشوشني

و يفرش موجه سجادة..

في أحلامي تعيشني !

..

ملوش أول..ملوش أخر

قراره طاوي اسراره !

و دايماً في الهوي مسافر..

ولا نهاية لمشواره !

..

بحب البحر..أحب البحر..

و أعشق ضحكته و آنه !

و أحب الناس..أحب الناس..

ماهم فيهم حاجات منه !

و أحبك يا اللّي أحلامي..

في هواكي زهزهوا و غنّوا !

يا بلدي ياللّي و أنا فيكي

عيوني ليكي بيحنّوا !

..

بحب الورد فوق السور

و أعشق ضحكته الفانية

و أحس في ريحته شوق مسحور ..

لناس حرّة و حياة تانية !

..

و أحبه بين ايدين عشاقْ..

رسالة مهفهفة بأشواقْ !

و حتي و هو بلا أوراقْ

كتاب العشق ، ذكرى فراقْ

..

حياته في الهوي ليلتين..

و عمره ما كان بعمره ضنين !

يرش هواه علي الماشيين..

و يتقاسمه مع الجايين !

بحب الورد

..

بحب الورد

و أعشق ضحكته و آنّه

و أحب الناس..أحب الناس

ماهم فيهم حاجات منه

و أحبك ياللّي أحلامي..

في هواكي زهزهوا و غنّوا

يا بلدي ياللّي و أنا فيكي..

عيوني ليكي بيحنّوا !

..

بحب البحر..بحب الورد..

و أحب الناس !

و أحب نعيشها أحرار

مرفوعين الراس

ولا تفرّقنا لا الألوان ولا الأجناس

و أدوب في آدان يرفرف ، تحضنه أجراس

تعالوا نقيم لبكرة الجاي ..

يا ناس قداس !!

ميه ميه كانت هتفرق فى الوداع (احمد مكي / مصطفى ابراهيم )

احمد مكي

 ميه ميه كانت هتفرق فى الوداع

البوم :اصله عربى

 تحميل الاغنية:
 MP3 http://www.sm3na.com/audio/fe3604cfa138


كلمات :مصطفى ابراهيم 

ديوان:"المانيفستو" 


كلمات الاغنية

  لو كنت عارف ان ھي دي المرة اﻻخيره "ميه ميه كانت ھتفرق ف الوداع" 
  لو بس كنت عارف ان ھي دي المرة اﻻخيره" ميه ميه كانت ھتفرق ف الوداع "
  كنت يوميھا اكيد ھبيت عند جدي ف شقته نلعب ورق نسھر سوا 
ومش ھسيبه عشان ينام ليلتھا م بعد الدوا او يرد الشيش عشان ضھره بيتعب م الھوي 
او كنت ھقوله يعني بزمتك اخر نفس ساقع خدته ف صحتك بقي مايساويش حبه وجع "بطل دلع" 
  جدي الي مات دفيان ليلتھا بالحاف لو كان عرف ان الليﻼدي وداع ﻻنفاس الھوا
ماكنش رد الشيش ف اخر ليله له ماكنش خاف .. ماكنش خاف .. خاف 
  كل الشوارع والميدان الي مش ھدخلھا تاني واﻻغاني الي لما سمعتھا دندتھا م مرة واحده بالسماع 
  ميه ميه كانت ھتفرق ف الوداع
يا كل حاجه كسبتھا او سيبتھا ومالحقتش اشبع منھا اكمنھا قالت حنروق مع بعض فين
ياناس ياعبط ياعشمانين فى فرصه تانية للقي بطلو اوھام بقي وكفايه احلام واسمعو
عيشو بزمه ..وودعو 
  كل حاجه بتعملوھا
وكل حد بتشوفوه 
  وكل كلمه بتقولوھا 
  وكل لحن بتسمعو
 عيشو المشاھد كل المشاھد زي مايكون اﻻخير واشبعو ساعه الوداع واحضنو الحاجه بضمير
دا اللي فاضل مش كتير
اللي فاضل مش كتير 
  لو كنت عارف ان ھي دي المرة اﻻخيره" ميه ميه كانت ھتفرق ف الوداع "
  لو كنت عارف ان ھي دي المرة اﻻخيره" ميه ميه كانت ھتفرق ف الوداع" 
  لو بس كنت عارف ان ھي دي المرة اﻻخيره ميه ميه كانت ھتفرق ف الوداع

الشعر بصوت الشاعر مصطفى ابراهيم

https://soundcloud.com/radio-shaware3/cvz1d1kk0o5h

كل حاجة حلوة نهايتها وداع

اصعب حاجة فى الدنيا كلمة الوداع او الفراق 

اتعلمت فى حياتى اللى عدت ان نهاية كل علاقة حلوة وداع ولازم كل اللى بنحبهم هنسيبهم سواء برضانا او غصب عننا
يعنى,...

كنت بحب جدتى اوووووووى وكان ممكن اقعد معاها سنة او اكتر بعيد ان اسرتى وتقريبا هى اللى ربتنى  .
كان اصعب حاجة ان يوم وفاتها مكنتش موجودة بس فاكرة اخر مكالمة ليها معايا قالتلى (اللقا نصيب) كلمة صعبه اوى انا اتاخرت ومشفتهاش بسبب الدراسة فى الكلية وسفرى وبعدها مبقتش عاوزة اذاكر وكنت دايما حاسة ان الل حرمنى من انى اودعها هى الدراسة وفعلا دبلرت السنة دى
وقتها بقى عرفت ان كل حاجة نهايتها فراق
لما رحت الكليه اول سنة سبت صحابى اللى فى الثانوى وسبت صحبتى الانتيم والوحيدة فى حياتى وبسبب بردوا بسبب الدراسة والسفر وهى بقت فى بلد تانى بدات المشاكل اللى تقريبا خلتنى ابقى لوحدى بدون صحاب
بعد ما جدتى توفت وصحبتى علاقتى بيها بقت مش كويسة خليت حياتى كلها سطحية خلاص اغلى اتنين مش معايا فملهاش لازمة العلاقات ومش هبقى قد انى اودع حد تانى من حياتى
بس رغم ان كانت علاقتى سطحية وهزليه بكل اللى فى الجامعة او فى السكن الا انى دلوقت بفتقد للناس دى اوى واى وسيلة اتصال مبقتش تغنى عن وجودهم فى يومى بصورة دايما سنين يعنى بردوا حسيت ان حتى العلاقات السطحية كلمة وداع فيها بتوجع اوى
كدا انا عشت طفولة فى مكان مع ناس فارقتهم وحياة جامعية مع ناس فارقتهم وللاسف اتنقلت لمكان تالت اكيد هيكون فى كلمة وداع جديدة لان فى النهاية الحياة كلها وداع 

حنين الى من ذهبوا دون وداع

حنين الى من ذهبوا دون وداع

إنه ما عاد هنا يا قلبى !!!

** 

لا تقل وداعا بل قل إلى اللقاء، 

فنحن سنلتقي مجددا .....

****

اشتاق لمن يسكن هذا المكان فقد ذهب 
دون وداع دون ان يخبرنى متى اللقاء 

اشتاق الليك اشتاق الى حديثنا الى ضحكنا
الا تدرى كم كان الفراق مؤلم
كم احتاج الى هدوء صوتك المترنح
كم اشتاق اسمى للترديدك له

فقط اشتاق اليك
اشتاق ,احن
لصفاء روحك ,لدفئ كلماتك
لم يعد الحلم يكفينى فلم اجد لمساتك
لماذا لم تنتظر لاراك لاودعك
لماذا لم تنتظر لتعدنى الا تتركنى فى الاحلام
فقط تركت قلبى بألم الفراق
فقط تركتنى بكل كلمات الاحساس
ها انا اعود لاكلمك لاتحدث اليك هل تسمعنى
هل تسمع كلماتى ام اثقل التراب سمعك
ها قد اتى وقت رحيلى لا تحزن
لا تحزن فانت من بدأ الرحيل 

ارجوك لا تحزن فلا احد يعرف الحزن مثلى
جئت لاشتكى لك مرارة الايام بعدك
لكنى لم اجد اصعب من فراقك 

آهٍ يا قلبى فلم يعد يسمعنى لم يعد يرانى
اسألى ربى ان تتجاوز عن خطاياه
اسألك ربى ان تجله لى شفيعا يوم لقاءك
أسالك ربى ان تبدله اهلا خير من اهله
أسالك ربى باسمائك الحسنى وصفاتك العليا
أن ترحمه وتغفر له وتتجاوز عن سيئاته
أسألك ربى باسمك العفو ان تعفو عنه
يا حى يا قبوم باذا الجلال والاكرام

****

إن لم يكن على الأرض ففي السماء ...

في جنة الخلد انشاء الله

اللهمَّ إني أسألك، أن لك الحمد، 

لا إله إلا أنت الحنان المنان،

بديع السماوات والأرض، 

ذو الجلال والإكرام، برحمتك يا أرحم الراحمين.

اللهمَّ إني أسألكَ الصبر عند القضاء، 

ومنازل الشهداء، وعيش السعداء، 

والنصر على الأعداء،

ومرافقة الأنبياء، يا رب العالمين

مقتطفات من اناشيد الاثم والبراءة +تحميل الكتاب

 لاتنم علي غل ولاتصبح علي شهوة ولاتسع الي طمع ولاتسابق الي سلطة وانما اجعل همك واهتمامك في الخير والبر والحق والصدق والمروءة والمعونة قاصدا وجه ربك علي الدوآم .

حاول ان يكون فعلك مطابقا لقولك وسلوكك مطابقا لدعوتك فاذا غلبتك بشريتك وهذمك هوآك في لحظة لاتيأس وانما استنجد واستصرخ ربك وقل الغوث يارب يقل للك لبيك عبدي ويخرجك بيده من ظلمة نفسك الي نور حضرته فانك ان كنت احد عمال الله في الارض واحد سفرائه الي قلوب الناس فإنه سوف يرحمك أذا أخطأت ويغفر لك إذا أسأت ويعيدك ألي الطريق إذا انحرفت وسوف يرعأك ويتولاك لأنك من جنده وحاشيته وخاصته .

لاتيأس مهما بلغت اوذارك ولاتقنط مهمابلغت خطاياك فماجعل الله التوبة إلا للخطاة وماجعل المغفرة الا للمذنبين وماأرسل ألانبيا الا للضالين وماسمي نفسه الغفار التواب العفو الكريم ألا من اجل انك تخطي فيغفر لك .

جدد استغفارك كل لحظة تجدد معرفتك وتجدد العهد بينك وبين ربك وتصل ماأنقطع بغفلتك .

لتحميل الكتاب بصيغة pdf تحميل مباشر

http://hotfile.com/dl/116722398/74eb8b4/_..___.pdf.html

ليه متحلمش؟؟

اوقات بتغمض عينك علشان تحلم حلم جميل واوقات بتغمض عينك عن حلم جميل

 فالاول بتهرب من الحقيقة, والمرة التانية بتخاف تعيش حاجة غير الحقيقة 

خايف تغير روتينك ومشاكلك وتحلم بحاجة تخليك مبسوط فتتعود عليها

دايما لما بتغمض عينك علشان تحلم بتكون عارف انك هتفتحها على واقع صعب اوى 

على حياة مش عجباك ,بتفتح عينك على صورة ناقصة انت مش موجود فيها

بس انت حاولت تمسك فرشة وترسم نفسك جوة الصورة ؟؟؟

لما بنحاول ونفشل بنخاف نحلم تانى علشان منديش نفسنا امل اننا ممكن نححق الحلم دا

وانت مغمض عينك شوف عجبك ايه فى الحلم واول ما تفتح عينك حاول فكر هتحقق ايه
مش كل الاحلام بتتحقق بس السعادة اللى جوة الحلم دايما بتتحقق لو انت عايز كدا

شخصيتك خلف قطع ميكانو

تعرف لعبة الميكانو؟؟
هى دى حياتك!!!!
حياتك عبارة عن  قطع ميكانو متيعترةبتلم من كل يوم شوية وتعمل بيهم شخصيتك وحياتك وبيتك ومعاملاتك وعلاقاتك وكل حاجة فى حياتك , اوقات ناس بتساعدك علشان تطلع شكل جميل واوقات ناس بتعمل انها بتساعدك بس هى فى الحقيقة بتشتت افكارك وتخليك فى النهاية صاحب اوحش تصميم , وفى ناس بتلغيك خالص وتفضل تقولك لا لا اعمل كدا واعمل كدا دول بقى بيعملوا منك اجمل تصميم بس تصميم خارجى هما اللى بيصنعوه مش انت ...
بص بقى محدش بيعمل تصميمه لوحده ولا بيختار قطع الميكانو بتاعته بس لازم تختار مين هيبقى معاك وهتركب اى قطعه الاول ..لازم تخلى تصميمك قوى يستحمل كل حاجة وكل خبطة وكل صدمه
فكر عاوز تبقى ازاى ..تبقى ايه .. تبقى مين..
متسبش حد يأثر فيك وفمستقبلك او ف قرارك
ارمى قطع الميكانو اللى ملهاش لازمة اى ذكرى ممكن تهدك ارميها من شخصيتك ورمم تصميمك
خليك دايما فاكر ان اى موقف هيعدى عليك زى قطعة المكانو لو مرمتهوش او مرممتهوش هياثر على كل اللى بنيته.

بلادى لكى ماضى ومستقبل والمضارع عاوز فاعل اسنا بوابة الجنوب من اجمل ما يكون

فيلم وثائقى مختصر يضم بعض مظاهر الجمال فى اجمل مدن الجنوب المصرى (اسنا) المدينة المقدسة
قد يختصر الفيديو بعض المظاهر الحضارية القديمة والتى منها
المئذنة العتيقة
معبد اسنا http://7dotamasrya.blogspot.com/2011/04/1943.html دى تدوينه عنه
قناطر اسنا القديمة
استراحات الملك فاروق
المحمية الطبعية
واقتصر الفيلم على الجزء القديم باسنا والذى سبق ذكره بينما يوجد فى اسنا العديد من المظاهر الجمالية كالخضرة والنيل الجو الجنوبى الدافئ
وايضا يوجد بها خزانان للمياه وتوليد الكهرباء
ونظرا لانحدارات منسوب مياه النيل فيوجد ايضا هويس لمر السفن السياحية بسلام
لذلك اسنا بوابة الجنوب :)